This article has been translated from English to Tagalog.

May mga araw talaga na halos lahat ng forex pairs ay may isang direksyon lang at parang wala kang makuhang sense kung lalabanan mo 'yung agos.

Pero kung fan ka ng pagpili ng tops o bottoms at tingin mo na pagod na 'tong malakas na trends, huwag kang matakot na mag-contrarian approach sa iyong forex trades.

Kapag lahat ng charts ay iisang direksyon lang ang tinuturo at suportado pa ng newswires ang kasalukuyang market sentiment, madali lang maintindihan kung bakit maraming traders ang nag-aalangan na sumalungat sa karamihan.

Pero sabi nga ng investment pundit na si Warren Buffett,

“Dapat tayong natatakot kapag masyadong sakim ang iba at sakim kapag natatakot ang iba.”

Kita mo, hindi porket may isang trading bias ang karamihan ng traders diyan, eh, tama na sila agad.

Minsan, ang malakas na momentum ay repleksyon lang ng pagpasok ng mga trading amateurs na sumasabay lang sa agos nang hindi alam kung ano ba talaga ang nagpapaikot sa presyo.

Kaya ang pagsunod sa karamihan nang walang isip-isip ay pwedeng mauwi sa herding bias – isa sa mga 5 common trading mistakes na nagagawa ng traders.

Tanungin mo ang sinumang nagtagumpay sa pagsalungat sa agos at sasabihin nila sa'yo na nakakatakot din pag ang analysis mo ay humantong sa hindi popular na bias.

Pero minsan, sulit din ang maging kakaiba at sumalungat sa karamihan – maging contrarian.

Contrarian trading ay isang forex strategy na pabor sa pagsalungat sa kasalukuyang market bias sa pag-asang magkakaroon ng shift sa market sentiment. Kasama na dito ang pagbili ng currency kapag mahina ito at pagbenta kapag malakas na.

Sinusubukan ng contrarian traders na samantalahin ang mga sandali kung saan nadadala na ang markets sa malakas na momentum.

Kapag pati si lola ay handa nang itulak ang presyo pataas, minsan nauuwi sa sobrang taas ng presyo ng assets. Ganun din, kapag lahat ay sobrang determined na ibenta ang asset, nagkakaroon ng pagkakataon bumili nang mura.

Isa sa mga benepisyo ng contrarian trading ay ang kakayahang makakuha ng magandang presyo at masalo agad ang reversals sa simula pa lang.

Dahil dito, kadalasang nagreresulta ito sa napaka-attractive na reward-to-risk ratios, mas sulit ang bawat piso mo.

Pero, ang mga contrarian ay tumtrade laban sa trend, at hindi laging pumapabor ito sa kanila. Sabi nga, “The trend is your friend,” pero pwede rin itong maging malupit kapag nilabanan mo.

Kapag sobrang lakas ng isang trend, kaya nitong lampasan ang potential reversal points at anurin ang mga sumasalungat.

Hindi ko sinasabi na dapat mong suwayin ang trend para lang trip lang.

Ang sinasabi ko lang ay, kung pagkatapos ng masusing fundamental at technical analysis, meron kang sapat na dahilan para maniwala na babaliktad na ang market, wag kang matakot na sumalungat sa karamihan at kumuha ng contrarian position.

Tandaan, hindi naman kailangan laging sumabay sa agos; maraming kumikitang opportunities ang nagmumula sa paglayo sa karamihan.