I-maximize ang Iyong Mga Panalo sa Pamamagitan ng Pagbuo ng Iyong Kumpiyansa sa Sarili

Bilang mga forex traders, madalas natin iniisip kung saan ilalagay ang stop loss. Siyempre, ito’y mahalagang bahagi ng risk management. Importante na alam mo kung kailan at saan ka lalabas para maprotektahan ang kapital mo.

Pero napansin mo ba na kulang ang atensyon na binibigay sa profit targets? Sayang, kasi ang pag-maximize ng kita ay malaki ang epekto sa bottom line mo.

Yung mga traders na hirap pabayaan ang mga panalong trades na magpatuloy ay posibleng mawalan ng malalaking galaw dahil natatakot silang mawala ang potensyal na forex profits.

Sa katagalan, ang ganitong klase ng traders ay hirap magpatuloy na kumita kasi yung panalong trades nila ay hindi mas malaki sa kanilang mga talo. Minsan pa nga, mas maliit pa yung average na panalo sa average na talo nila.

So ano nga ba ang problema? Bakit ang hirap hayaan ang mga panalo natin? Tingnan natin ang tatlo sa pinaka-karaniwang dahilan:

1. Wala kang profit target na naiisip.

Kung wala kang goal o profit target, madali kang madistract o matangay ng ingay ng merkado, na pwedeng magdulot sayo para masara ang trade mo ng napaaga.

Matutunan mong gumamit ng firm profit targets at makikita mo kung gaano kasimple ito para hawakan ang mga panalong trades mo.

2. Di ka masyadong kumpiyansa sa trade idea.

Madaling mahuli ang mga newbie traders sa pagpasok sa trades base sa analysis o system ng iba. Minsan pa nga, kinokopya na lang nila ang trades nang walang konsiderasyon sa rason ng trade idea!

Sa ganitong kaso, pwedeng mawalan ng kumpiyansa ang trader, na nagreresulta sa maling oras ng pag-exit ng trade.

3. Sobrang takot ka sa risk.

Habang mahalaga ang pag-manage ng risk bilang trading skill, meron ding sobrang takot sa risk. Tandaan, di mo maiiwasan ang risk, pero pwede mo itong i-manage. Ang trick ay malaman kung kailan sulit ang risk.

Kunyari, para sa parehong $500 risk, meron kang choice sa pagitan ng sure $1,000 profit at 75% chance na makuha ang $2,000. Ano pipiliin mo?

Marami ang pipili sa sure $1,000 profit, kahit na ang 75% chance na makuha ang $2,000 ay may mas mataas na expected value at mas kikita sa katagalan.

Ang totoo, nasa isip lang yan.

Oo, takot ang mga traders na mawalan ng potensyal na kita, pero mas seryosong problema ang epekto nito sa isipan ng trader.

Anong mangyayari kung na-miss ng trader ang kita dahil di niya sinara ang trade? Madalas, sisihin niya ang sarili niya sa di pag-book ng profits.

Mali ito kasi ibig sabihin ay di siya kumportable sa pagkalugi at di niya naiintindihan na parte ito ng negosyo.

Dagdag pa, iniisip ng traders na kapag sinara nila ang position sa merkado para i-book ang kita, parte lang ito ng trade management process. Sa totoo, di nila inaasikaso ang trade kundi umaaksyon lang para pababain ang emosyon ukol dito.

Para mabuo ang kumpiyansa na kailangan para hayaan ang panalong trade, kailangan mong magtiwala sa sarili mong kakayahan.

Bigyan kita ng mas malinaw na halimbawa. Bagi sa mga nagda-drive, sigurado akong kumpiyansa kayo sa skills niyo at nagtitiwala sa sarili niyong kontrol kahit may random road conditions. Di kayo nagpapanic o tumitigil sa pagmamaneho dahil lang sa hectic na sitwasyon – tuloy-tuloy lang kayo sa destinasyon niyo.

Ganyan dapat ang trading, mga kaibigan! Ang tanong, paano ka magtatayo ng kumpiyansa sa trading mo?

Narito ang dalawang tips para tulungan ka sa iyong landas:

1. I-visualize ang sarili mong nagti-trade.

Bago ka pa man magsimula mag-trade, i-visualize mo na kung ano ang gagawin mo kapag kailangan mong magdesisyon kung isasara ang trade o hayaan itong tumakbo.

Isipin mo ang sinasabi mo sa sarili, “No pain, no gain.” Kailangan mong matutunan kung paano maging kumportable sa tensyon na kasama ng paghawak sa trade. Alamin na sa katagalan, ito ay magbubunga.

2. Dahan-dahan lang.

Kailangan mong tanggapin na di ito magbabago overnight, pero pwede kang gumawa ng maliliit na pagbabago sa trading mo, papunta sa goal mo. Tandaan, ang maliliit na pagbabago ay nagdadala ng malalaking pagbabago.

Sa paglipas ng panahon, pwede mong simulan ang pagbabago sa ratio ng timbang ng dalawang position kapag mas kumpiyansa ka na sa paghayaan ang trades na tumakbo.

Panghuli, gusto kong iwanan ka ng maliit na tip na ito: huwag matakot magkamali at magtiwala sa iyong sariling kakayahan! Makakatulong ito sa career mo bilang isang umuunlad na forex trader.