This article has been translated from English to Tagalog.
Ang indicative quote ay isang price quote na para lang sa impormasyon.
Isa itong uri ng quote na ibinibigay sa trader mula sa market maker na puwedeng mabago bago maganap ang transaksyon.
Isa itong makatwirang pagtatantya ng kasalukuyang market price ng currency pair na ibinibigay ng market maker kapag hinihingi.
Ibig sabihin, ang quoted price ay maaaring hindi available para i-trade.
Walang obligasyon ang market maker na sundin ang quote.
Ang kabaligtaran ng indicative quote ay ang firm quote, na garantisado ng market maker.
Maaaring magbigay ang market makers ng indicative quote kapag nagpakita ng posibilidad ng trade ang trader pero hindi sinabi ang dami (“size”) ng transaksyon.
Maaaring gamitin ng traders ang indicative quotes bilang pagtatantya ng kasalukuyang exchange rate para sa isang partikular na FX trade.
Halimbawa, kapag humiling ng indicative quote sa EUR/USD, maaaring mag-quote ang market maker ng 1.1040/42.
Ibig sabihin nito, ang indicative bid price ay 1.1040 at ang indicative ask price ay 1.1042.
Pero ang kanilang aktwal na dealing price o “firm quote” ay maaaring magbago sa 1.1042/44 nang walang obligasyon na sundin ang orihinal na indicative quote.
Ang indicative quote ay tinatawag ding “price indication” o simpleng “indication“.