Para Saan Ginagamit ang mga NFT?

Isang unique at programmable token na kayang patunayan ang digital ownership nang walang duda?

ERRBODY may oras para diyan!

Nagsimula man ang kasikatan ng NFTs sa mga ilustrasyon ng hayop at pixelated avatars, pero mabilis ding nakahanap ng ibang sikat na gamit ang mga tao.

Art

Sa pamamagitan ng pag-tokenize ng isang art product sa blockchain, puwedeng “pirmahan” ng mga artist ang kanilang gawa para patunayang kanila ito.

Puwede na nilang iwasan ang mga middlemen at ibenta ang kanilang mga likha sa mas malawak na audience sa pamamagitan ng global NFT exchanges.

Puwede rin silang mag-set ng transfer parameters gamit ang smart contracts para mas kontrolado nila ang margins at distribution ng kanilang produkto.

Makakapag-earn din ang mga artist ng maliit na income sa bawat pagpapalit ng kanilang NFTs, hindi lang sa initial sale.

Ganon din, ang mga big brands puwedeng i-tokenize ang kanilang content para sa mas madaliang licensing activities, at ang mga major at minor celebrities puwede mag-issue ng NFTs para magbenta ng exclusive merchandise sa kanilang followers.

Samantala, ang mga art collectors puwedeng mag-enjoy sa pagpapatunay ng pagmamay-ari ng rare physical o digital items nang hindi nag-aalala na peke ang hawak nila.

Gaming

Bakit ka pa mag-aaksaya sa mga potions, skills, at fancy armor upgrades ng online game character mo kung puwede ka namang ma-lock out sa account mo anytime?

Buti na lang, umiinit na ang pagtanggap ng online games sa blockchain technology, na nagbibigay-daan sa players na kumita/makabili ng in-game assets na direkta nilang pagmamay-ari at puwedeng ibenta sa ibang players.

May mga gaming NFTs pa nga na puwedeng i-trade o i-port sa ibang laro!

Fractional Ownership

Ang mga NFTs ay hindi basta-basta nahahati-hati dahil nagiging fungible ang mga bahagi nito.

Pero, puwedeng i-lock ng mga may-ari ang NFTs sa isang smart contract na magbibigay ng tiyak na bilang ng “Fractionalized NFTs (F-NFTs).”

Ang mga fractional shares na ito ay kapaki-pakinabang para sa mga gustong “magma-may-ari” o magbenta ng isang mamahaling, totoong produkto.

Halimbawa, ang isang 14-bedroom mansion ay mas mabilis na mabebenta kung maraming tao ang papayag na partially own ito.

Maaaring mapadali ng F-NFT technology ang senaryong iyan at gawing mas efficient ang future verification at sale kumpara sa kasalukuyang proseso.

Maaaring makakuha ng karagdagang pondo ang maliliit na negosyo sa pamamagitan ng pag-offer ng ilan sa kanilang “shards” (partial ownership ng negosyo sa pamamagitan ng NFTs) sa publiko, katulad ng kung paano nagbebenta ang mga korporasyon ng shares ng kumpanya sa public stock market para makalikom ng kapital.

Identity Management

Mahalaga ang patunay ng pagmamay-ari ng isang data point at itago ito sa secure na blockchain para sa mga gustong mag-establish ng identity information.

Maaaring magbigay ang NFT technology ng mabilis na access sa mga tao sa kanilang birth certificates, passports, verified medical history, at education credentials.

Hindi lang 'yan, puwede rin nilang i-share ang relevant information lang sa ibang parties kung kinakailangan.

Walang puwedeng mag-claim na may iyong birth certificate AT hindi mo na kailangang mag-fill out ng 37 forms tuwing pupunta ka sa ibang clinic o magtatravel out of the country!

Samantala, ang mga manufacturing businesses na gumagamit ng NFTs puwedeng i-confirm kung saan nagmula ang kanilang raw materials.

Puwede nilang i-track ang progress ng kanilang mga produkto sa supply chain at i-verify ang authenticity ng kanilang mga produkto sa kanilang mga customer.

Last but not least, ang NFTs puwedeng makatulong sa sports at concert organizers sa pag-iwas sa counterfeit ticket sales at tulungan ang organizers sa pag-control ng attendance sa conventions.

Social Tokens

Ang social tokens ay isang malawak na kategorya ng NFTs na ini-issue ng mga indibidwal at komunidad.

Ang pag-launch ng numbered batches ng NFTs ay nagbubukas ng pintuan sa membership “clubs” na nag-aalok ng exclusive experience.

Halimbawa, ang Bored Ape Yacht Club (BAYC) ay nag-aalok ng members-only access sa kanilang art space na tinatawag na Bathroom.

Ang ibang clubs puwedeng magbenta ng NFTs bilang membership tokens at mag-alok ng ibang pribilehiyo. Ang mga artist puwedeng mag-launch ng official fan clubs at ang mga abogado at florists puwedeng magbenta ng tokens para sa kanilang mga serbisyo.

Puwede pang i-track ng token sellers ang activities ng NFT owners at mag-offer ng rewards para sa engagement o loyalty!

Imagine manalo ka ng limang minutong chat sa iyong K-pop idol dahil may irrefutable proof sila sa pamamagitan ng iyong membership na pinanood mo ang latest video nila ng 318 beses sa nakalipas na 24 oras...dahil sino ba naman ang gumagawa nun?

Collateral

Hindi man gumana ang NFTs bilang cryptocurrencies, pero may value sila na puwedeng i-leverage para makakuha ng cryptocurrency o fiat-denominated loans.

Kapag nagkasundo na ang borrower at lender sa value ng NFT at loan parameters, ang paggamit ng NFTs bilang collateral ay hindi na masyadong naiiba sa paggamit ng art para makakuha ng loans.

Dahil sa lumalaking demand, nagkakaroon ng progreso ang DeFi at CeFi applications sa pag-establish ng NFT appraisal at collateral loan standards.